Ein varm sommerdag i 2008 tok vi første steg mot å realisere draumen om ein stad ved fjorden. Vi vart eigarar av Kalneset mellom Bjørke og Leira i Hjørundfjorden. Sjøhus, naust og hus, innmark og fjøre, urer og utmark, ein ås på 360 mh. Ein slik plass der du kjenner barndommens lukter og minner langt inn i sjela. Der ein dag ikkje er lik den andre, då alle desse naturens bestanddelar spelar på kvarandre under påverknad av vær og vind, årstider, lys og mørke, flo og fjøre, fugl og fisk, dyr og menneske. Når sjøen ligg stille på eine sida av neset og medan sjøen kvitar på den andre sida. Den eine dagen durar fossar og elver i stereo og nordavinden bles frå alle kantar, medan ein neste dag kan vere omkransa av lågthengande skodde og det er stille. Fønvindane varmar oss medan vi sit i fjøra i skyminga og makrellstimen går seg nesten på land. Bålpanna brenn og Jakta teiknar seg mot norvesthimmlens kveldslys. Alt dette vil vi gjerne dele med deg. Vi legg til rette for at du kan leige av båt, syklar og kajakkar. Her kan du bu i leiligheit bygt i 2020 med inngang og terasse på bakkenivå 20 m frå sjøen. Det fins båtbrygge med badestige og plass for sløying av fisk. Fryseplass på kjøkkenet.

Vi, Berit og Ola Jon er genuint opptatt av rekreasjon og fritidsaktivitetar i naturen til alle årstider. Padling, fisking og båtturar i fjorden, fot- og sykkelturar, langrenn og toppturski i fjell og dalar i Sunnmørsalpane. Alt dette vil vi prøve å dele med gjestane våre gjennom å gi god informasjon om moglegheitene som finnast her i området. Vi likar å skape i lag og dele med andre. I utviklinga av hytta har vi teke val som gir dei beste opplevingane av omliggande natur, i tillegg til å ta vare på og passe inn i omgivnadane. Vi formidlar gjerne historier om fjorden og folket som har budd her tilbake til middelalderen og vikingetida. Vi likar å kose oss med god mat og drikke som vi oftast lagar av eigenfiska fisk eller hjort frå området her. Leig gjerne grindaløda som ligg i sjøkanten for grilling og uteaktivitet. Vi prøver å legge til rette for at også gjestane våre kan få nytte seg av råvarer som finnast rundt Hjørundfjorden. Du kan leige båt som fraktar deg til fleire spisestadar og pubar ut gjennom fjorden her. Vi er ofte på Kalneset sjølve, om ikkje, vil de få god hjelp av våre hjelpevertar. Vi håper at du får gode dagar med både ro og aktivitetar her.

Kalneset er eit godt utgangspunkt for opplevingar i Nordfjord og Sunnmøre. Du kan besøke Geiranger via Hellesylt, med ferje. Med bil kan du ta returen over Dalsnibba, Grotli, Stryn og Grodås. Andre kjende attraksjonar er Briksdalsbreen, Via Ferata i Loen, fjellet Skåla og Loen skylift som ligg ein times køyring her i frå. Vil du på bytur kan du gjere det med bil, ca 2,5 t til Ålesund. Med båt går 3 daglege avgangar i sommarsesongen til og frå Ålesund frå Urke/Sæbø som du når med bil/båt her i frå. Ta med syklar i båt og sykle gjennom Norgangsdalen og avslutt med middag på erværdige Hotel Union på Øye. Via bil/båt til Urke og Øye får du også tilgang til turar på Saksa, Slogen og Jakta. I vintersesongen er det kort veg til Hornindal skisenter med to preparerte hovudnedfarter på 1650m med lys og 28 km samanhengande turløype for langrenn. Området er også nytta til toppturar vinter og vår. I sommarhelgane held middealdertunet Bakketunet (15 min. å gå )opent med kunsutstillingar og underhalding i helgane. Det finnast og utsalg av antikke møblar og raritetar. Leig gjerne båt til Trandal, Christian Gjestegard med utepub og underhalding med panoramautsikt til Sunnmørsalpane.