فنادق بالقرب من مطار مرسى علم الدولي (RMF)، مرسى علم

منذ البدايه تمت مراسلتي من مستر قاسم ال guest relation إذا كان لينا اي طلبات وعند الوصول استقبلنا مستر قاسم بحفاوه وتمت عمليه التسكين في وقت قليل جدا .. وكان بيتصل بينا بشكل يومي إذا كان لينا اي طلبات أو إذا كانت هناك اي مشاكل فحابب اشكره جدا ع ذوقه .... الاكل كان حلو جدا جدا فطار وغداء وعشاء متنوع وجميل الهاوس كيبينج عادل كان ذوق جدا ومتعاون جدا جربنا مطعم ala carte واحد وهو المطعم المصري وكان تيست الاكل جميل جدا الشاطئ رملي جدا وجميل بس بتمشي شويه علشان تلاقي عمق مناسب الاكوا بارك ضخمه جدا ممتازه والأطفال انبسطوا فيها حمامات السباحه نضيفه وفي اكتر من بار ف الاوتيل وع الشاطئ واللوبي كلهم قمه الذوق والنضافه حتي الايس كريم متوفر في العشاء وفي البارات بشكل دائم فريق الانيميشن متواجد دائما وبيعملوا عروض حلوه ع حمامات السباحه وبالليل في حفله جميله واخر يوم كانت الحفله حلوه اوي ع الاكوا وكان فيها fire show حلو جدا حقيقي تجربه حلوه وان شاء الله تتكرر تاني ...

فندق مميز و العاملين فيه على أعلى مستوى من الاحترام و الاحترافيه و الذوق حصلت مشكلة اول موصلت اني كنت حاجز سرير كبير من بوكينج و لما وصلت قالي نستنى الساعة 2 عشان مش متاح دلوقتي قولت ماشي بعدين ب 10 دقايق قالي انه غير متاح سرير كبير و المتاح غرفة 2 سرير هضمهم على بعض لان مش مذكور في الحجز انك عايز سرير كبير مع اني متأكد اني حاحز سرير كبير و قالي لازم تذكرها في الملاحظات دي النقطة اللي ضايقتني بس و تم ضم السريرين و الصراحة محستش بفرق بس الغرفة اتجهزت بعد ما اتسكنت و مكنش فيها ترحيب زي ما الواحد متعود بس اجمالي فندق ممتاز جدا

كل شي كان جيد جدا الاجواء كل يوم شي جديد وعروض جديده لم نشعر بالملل ابداً . المسابح نظيفه تنظف كل يوم وتعقم كل يوم . لاكل طيب و متنوع جميع انواع الحاويات و جميع انواع الحوم . الستاف محترم وطيب جدا جدا عندما تبدأ بلاكل الجميع يكون مستعد لكِ يخدمك اذا انتهيت من المشروبات الغازيه او اي شي ياتيك احد يسالك هل تريد المزيد . فعلا كان وقت الذي قضيناه استجمام من جميع نواحي. هناك مساج انصح به لقد عملت 3 جلسات رجعت صحتي باحسن حال

الاقامه كانت مابين دار المدينة وجاز سولايا حقيقي استمتعنا جدا فى الفندقين البدايه من التسكين check in من النقط المهمه جدا بالنسبه لينا ، وصلنا الفندق الساعه ٧ صباحا والتسكين مخدش وقت خالص وبعد ١٠ دقايق كنا فى الغرف اللى كانت جاهزة وده شىء اسعدنا جدا. فيو الغرف كان حلو جدا ، اثاث الغرف جيد. الاستاف فى الفندقين ممتاز و محترمين جدا وبيبذلوا مجهود كبير لإرضاء الجميع. حمامات السباحه نظيفة ولاند سكيب منسق بشكل جيد. شكر خاص لمستر محمد خالد front office manager رجل محترم جدا وهوا السبب الرئيسي ان احنا نحجز فى الفندق بعد التواصل معاه عن طريق الايميل بصراحة مسبناش خالص طول فتره الإقامة و التزم باللى اتفقنا عليه أن الغرف تكون جاهزة عند الوصول و فيو الغرف يكون حلو وكمان ظبط لينا early check in و late checkout بالنسبه للمطعم نظيف ومنظم والاستاف هناك لطيف بالرغم من ضغط العمل و بيسالوك دايما تشرب حاجه او محتاج حاجه بالنسبة للأكل حابب اشكر مستر سعيد مدير مطعم سولايا رجل محترم وخلوق. لان احنا لينا ذوق خاص فى الاكل والمشروبات فعمل لينا مستر سعيد اكتر من مره اكل خاص يناسب ذوقنا ووفر لينا مشروبات فريش. الشاطئ رملى فى جاز سولايا و فيه جيتى يمكن النزول منه. الحفلات الليليه. خلال فترة اقامتنا كان فيه ٣ حفلات ليليه لذيذه فى سولايا وسوق المدينة. الشيء الموكد ان احنا كلنا متفقين على أن زيارتنا القادمه هتكون سولايا ودار المدينة نقاط للتحسين: الاكوا بارك زحمه جدا جدا ولازم تقف كتير حتى علشان تاخد عوامه ، بعض نزلاء جاز جراند و سوليمار مسيطريين على الاكوا وموجودين تقريبا طوال اليوم . سلم الاكوا سىء جدا وخطر جدا ، ومفيش انتى سليب على السلالم علشان محدش يتزحلق. عدد الحفلات الليليه قليل ياريت يكون كل يوم حفله لان الاولاد بيستمتعوا جدا بالحفلات دى.

كل شيء بمعنى الكلمه الشاطيء جميل تنوع المشروبات والاكل بكل مكان في المنتجع تنوع البوفيه تنوع جدول الفعاليات الاكوابارك ممتعه اهتمام بأدق التفاصيل حرص الموظفين على راحة المقيم الموظفين جميعهم من غير ذكر أسماء حريصين مهتمين متعاونين مجتهدين

تجربه جميله و الفيووو اكتر من رائع و الاهتمام و فريق الانيميشن و الاحترام متعه بصراحه

كل شيء كان ممتازا بداية من الموظفين والمبنى والأثاث وحمام السباحة

المرافق والنظافة والطاقم