ابحث عن فنادق في لوتربرونن

موقع الفندق جدا رائع، موظفة الاستقبال بقمة الرقي موقع الفندق هادئ جدا ومناظر طبيعيه رائعه من البلكونه باختصار ساعود له

الفندق رااائع ونظيف وخدمة ممتازه ، وفيه مغسلة ملابس ونشافه ، تغسل بنفسك ب 5 فرنك في الدور الثاني والمطل يا سلام على الوادي ، وفيه قطار يوديك قرية وينغن قرية جميييله بارده ، فيه مخبز روووعه ، ومناظر خلابه وترجع في نفس القطار ، القطار كل نصف ساعه ، طبعًا لا يفوتكم شلالات ترومبل باخ قريبه جدًا

الموقع ممتاز ويوجد مواقف كافيه والموظفين خدومين وودودين الافطار رائع كل شئ متكامل السيد مايك قام بارشادنا لأي شئ احتجنا اليه

حسن الاستقبال والبشاشة

لقد كان حجزي على اطلاله و عندما وصلت اتفاجى غير عن الحجز و عندما تحدثت معهم كان اسلوبهم سئي و بكل بساطه يردون لا نقدر نعمل لك شي الفندق كامل فُل و قلت لهم سوف اقيمكم سيئ قالو عادي يعني ما فيه لا صدق و لا امانه كان المبلغ كبير جدا مقابل الشقه م فيها حتى و لا اي شي لا ادوات نظافه و لا اكواب و لا اي شي حتى تسريحه لا تجد المخده مقطوعه الحشوه كلها تطلع لا انصح به خصوصا الامانه صفر

رائع المكان و اطلاله ع الشلال

اولا نظام دخول الشقه غير مش نفس اللي متعودين عليها في دولنا العربيه انه يكون في استقبال وجي دخول الشقه تكون ذاتيه يعني الموظف يطرش لك كل التفاصيل في الواتس اب وتمشي عليه والدخول جدا سلس. والصراحه موقع الشقه جداا جداا ممتاز وقريبه من جربندلفالد وانترلاكن. الشقة اللي خذناها تتكون من ثلاث غرف نوم، اول غرفه فيها سرير واحد كبير والغرفة الثانيه اثنين سرير فردي والغرفه الثالثه اثنين سرير فردي ، وصاله ومطبخ وطاولة طعام وعزكم الله حمام واحد فقط مع شاور بس بدون شطاف وبلكونه مطلة على الشلال. حجم الغرف لاباس بها مب وايد كبيره. بالنسبه للحمام عزكم الله كانوا حاطين تقريبا كذا رول كلينكس وما يكفي ف لازم تاخذون احتياطاتكم وتجيبون وياكم كلينكسات زيادة لانه المالك مش موفر بكمية ، وفي صابون جسم وشعر وصح جيبوا معاكم اكياس زباله عزكم الله. حتى للغرف لا يوجد كلينكس. على ما اعتقد الشقه كانت بدون مكيفات بس للامانه وقتها ما احتجنا مكيف لانه سكنا في الشقه نهايه شهر تسعه من تاريخ26-28 وكان الجو براااد وقتها. وطبعا الشقه مافيها مصعد ف لازم تحمل الاغراض لين شقتك. بالنسبه للمطبخ الصراحه ما كان فيها وايد اشياء نفس الة التوستر وماي مش متوفر، بس حاطين صحون وملاعق واكواب واشياء للطبخ للامانه ما شيكت وايد لانه ما طبخنا شي كنا بس نسوي شاي وقهوه وستاره المطبخ شفافه يبين من برع . يالنسبه للبلكونه فيها حاجز بين الشقتين ف اللي يقعد برع في البلكونه يقدر يسمع سوالفكم وتقدرون تسمعون سوالفهم بس على وقتنا كانوا اجانب😂. وصاحب الشقه يوفر بطاقه خصم حق منطقه لوتربرونن فقط ما تقدر تستخدمها في مناطق ثانيه. يعني بختصار انصح الواحد يسكن في هاي الشقه وان شاء الله اذا رجعت مره ثانيه بسكن في نفس الشقه نظيفه وسعرها وايد مناسب والاطلالة ولا اروعهه غيوم تغطي الجبال وشلال واصوات اجراس البقر. شقتنا كانت في الطابق الاول هم ثلاث طوابق وكل طابق شقتين. المالك يوفر انترنت مجانا وباركن للسيارة مجانا. المنطقه امان. والكهرباء كلها ابو اثنين مب ثلاث . وبحط صور للشقه من داخل وبرع الشقه طبعا الصور كلها من تصويري. وشكرا