بيوت الشباب في البندقية

الموقع جدا جميل وهادي

موقع وائل ومسطحات خضراء كثيرة

English Follows Arabic; رح اكتب بالعربي عشان العرب يستفيدوا بالدرجة الاولى، انتبهوا انه حتى لو اسمه (اوتيل) فـ هو عبارة عن هوستيل. صراحة انا لالي كان جداً جداً مناسب لانه ما نمنا غير ليلة وحدة فيه. موجود في قلب فينيس قريب على كل اشي، اولها تغلبت لوصلناله بس بعدين اكتشفت انه هو باب على الحيط ف بنصح تسألوا اصحاب المحلات وتطلعوا على رقم الباب وبتلاقوه. تعرفنا على ناس جداً لطيفين و كان الجو كوزي داخل الهوستيل، كان في ريسبشن، وفي مطبخ وثلاجة وقعدة خارجية صغيرة،وفي كود على الباب يعني أمان. الغرف من جوا كتير كتير قديمين عنجد بحكي بس (كمان مرة بالنسبة الي عادي) نصيحة مهمة: العرب الي بدهم يحجزوا مع زوجاتهم او البنات الي مسافرات سوا، لمزيد من الخصوصية بنصحكم تحجزوا الغرف الي بتيجي مع حمام خاص داخل الغرفة لانه انا ما كنت اعرف وحجزت غرفة بدون حمام وطلع انه لازم نشارك الحمام مع الجميع في الممر. لما وصلت من حظي كان في غرفة اخيرة مع حمام خاص وغيرتها. نصيحة مهمة تانية: هو عبارة عن درج كتير واكتر من طابق فوق بعض، ف انتبهوا اذا معاكم شناتي وقولولهم قبل بوقت وقت وصولكم عشان يكون حد يساعدكم بالشناني لانه ما كان في حد يساعدنا لما رحت. ماما ما حبته وأمنتني اكتب انها ما حبته😂 بس هي ما حبته لانها متعودة على high end hotels ف اذا انتوا كمان بهمكم الموضوع هاد المكان مش لالكم. بس اذا انتوا شباب وشابات صغار ما اظن الموضوع يهمكم بتاتا، وهو جداً مناسب لسفرة ونومة كم يوم. ملاحظة مهمة ثالثة: ر حيطلبوا منكم تدفعوا مبلغ ل تاكس المدينة، اتخيل كان 4 يورو على الشخص مش متاكدة، بس خلوا الموضوع بالحسبان وجيبوا كاش. واخر اشي: في محل واحد حلال قريب على الاوتيل انا ما حبيه كتير اكله زنخ وهو لواحد هندي، ما بنصح بالمطعم بس اذا بدكم جرّبوه. بالتوفق ورحلة آمنة وسعيدة! حطوا فولو لصفحة PaliMagazine على السوشل ميديا كـ شكرا لهاي المعلومات :d - Just beware that even though it says hotel, its a HOSTEL. Overall it was a nice cozy experience, the location is excellent!! Close to everything. For more details translate the Arabic.

الهدوء ، النظافة وموظفو الاستقبال .

مكان نظيف وممتاز وجبة الإفطار جيدة موعدها ممتاز لعند ساعة11 صباحاً

فريق العمل رائع جداً ومتعاون معي رغم اختلاف اللغة