Kjæledyrvennlige hoteller og ferieboliger i Haría

Ein verkeleg velhalden eigedom langs ein blindveg i eit svært fredeleg område, med glitrande nytte av tomta. Casa el Nido har gode planløysingar, pent og funksjonelt møblement, som skapar komfortable og attraktive opphaldssoner ute og inne. Kjøkenet byr på eit stort utval ulike kjøkenmaskinar og rikeleg med dekketøy og reiskapar av alle slag, inkludert ei ny oppvaskmaskin. Det store moderne kjøleskapet har ulike soner for kjøt, fisk, frukt og grønsaker samt romsleg frysedel. Hovudbadet har ei ny, avansert vaskemaskin og der er både mobile stativ og faste klessnorer utandørs, med god plass for klestørk. At det nesten alltid er litt trekk i lufta, gjer at alt ein heng ut tørkar rask (berre husk å bruka klesklyper, som der er rikeleg av, viss ein heng tøyet opp ute). Den nydelege hagen har ulike planter eigna for trivnad i det lokale klimaet, samt tomatplanter som, ved sporadisk vatning, gav mykje tomatar. Ein kan finna sol eller skugge på alle sider av huset, og på kveldstid kan ein tenna koselege utelampar og slappa av i utesalongen. I stova inne er det eit stort utval bøker samt ein fancy smart-TV med tyske satelittkanalar, spanske antennekanalar samt hdmi-portar og stemningslys mot veggane bak skjermen. Morgonfuglen kan gå bak huset og nyta flotte fargar kring soloppgong. Rett ved eigedomen kan ein gå korte eller lange turar på grusvegar eller på sandstiar, ein kan spasera til nærliggjande, fritt tilgjengeleg badeområde eller gå til nærbutikken for daglegvarehandel og suvenirar laga av ein lokal kunstnar. Det var plass for parkering inne på eigedomen, sjølv om ein og kunne parkera langs vegen. Då eg ikkje leigde bil, men hadde med eigen sykkel, var eg spesielt nøgd med å få parkert sykkelen i eit innglasa lagerrom nær kjøkenet. Charco del Palo er ein super base for ein sykkelferie; på nokre få minuttar er ein oppe i Mala og kan sykla kvar ein måtte ønskja.