أماكن إقامة مع الخدمة الذاتية لإعداد الطعام في Carlops

اقامه مميزه بكل تفاصيلها انصح فيه لكل شخص يحب الريف وامان وناسها خدومين مره وترى يوفرون تاكسي ينقلكم الي اي مكان وهذي خدمه راقيه جدا

نظيف ومرتب والسرير مريح والمكان واسع وامان وكل شي متوفر القهوه والحطب واغراض المطبخ👍🏻 اقيمه مليون من عشره

حجزي في Scald Law الصور ماعطت المكان حقه لأنه بالواقع أجمل وفاق توقعاتي. ما أعرف من وين أبدأ لأن كل شيء وحقيقة كل شيء مثالي ولا غلطة. نظيف جدا جدا لاشعر لاغبار ولا حتى حشرات كل شيء نظيف من أغطية السرير والكنب والأرضيات والجدار والحمام والدش والمطبخ ومواعينه نظافة فندق 5 نجوم. كل شيء تحتاجه في بيتك متوفر ماحسيت إني في lodge أو شاليه أبدا لأن كل شيء احتجته موجود. المواعين على عددنا تكفي وجبتين ونحطها بغسالة الصحون. الأشواك والملاعق والسكين من كل نوع 8 حبات والأكواب 4 أكواب قهوة و 4 أكواب مشروبات. القدور 3 من غير صياني الخبز للفرن. غسالة الصحون سهلة الاستخدام والكبسولات على الأيام. منشفة مطبخ لليدين ومناديل لفة كاملة للمطبخ وبلاستيك التغليف والثلاجة صغيره كفت مقاضي 4 أيام وأعتقد تكفي أسبوع. كل التفاصيل اللي ممكن ماتجي ببالك عند حجز بيت بمكان بعيد عن المدينة مهتمين فيها جدا مثل الملح والفلفل للطبخ والسكر والشاي والقهوة وابريق القهوة. حرفيا كل شيء. موفرين كل احتياجات الحمام من صابون يد وصابون جسم وشامبو وكوندشنر ومرطب يدين وجسم. ومناشف جسم ووجه ومناديل حمام. الحمام فيه مراية ومغسلة ويفصله عن الدش باب زجاجي. غرفة المعيشة فيها طاولة طعام وكنب لشخصين وفيها ملف يحتوي كل المعلومات اللي تحتاجها من طلبات مطاعم وتشغيل الالات وطلب التاكسي. استفدنا مرة منه اتصلنا على شركة التكسي. وفيه ألعاب مثل الورق وبزل كبيرة 1000 قطعة ودفتر للضيوف. الغرفة تطل مباشرة على مزارع الغنم والبقر والجبال منظر ساحر بكل الاوقات. السرير مريح جدا والمخدات جدا مريحة نفس مخدة الفنادق وسرايرهم. في مجفف شعر بالدرج ومراية طويلة بجنبها تعليق الملابس. شباك الغرفة اطلالته جميلة خصوصا وقت المطر ينزل عليه المطر ويمدي تقفل الشباك بالشتر الداخلي. البلكونه جميلة جدا تمنيت الجو حلو ومافي هوا قوي كان جلست فيها أكثر. فيها حوض استحمام وجلسة لشخصين وأنوار رايقة تشغلها بالليل. البيت بشكل عام جميل جدا ومريح العزل فيه قوي جدا جدا ماتحس بالبرد وقت البرد والعواصف. ماحسينا الا لما جت عاصفة قوية جدا كان صوت الهوا خفيف. من تسكر الباب ماتسمع أي ازعاج لا صوت الاغنام ولا الأبقار ولا الجيران. شيء جميل لابد أذكره وهو قليل يتوفر برا المدن اللي هو خدمة غسيل الملابس والكوي.