منتجعات تزلج في فوغين

الشقة بالشرفة جدا جميلة واطلالتها حلوه وفيه حديقة بالاسفل متوفر فيها اماكن جلوس والعاب اطفال حبوها اولادي كثير وما ودهم نطلع من الشقة الافطار كان حلو جدا ومتنوع

موقعه الجميل وخدمة الفندق جميله والعاملين بالفندق يقدمون افضل خدمة وبكل ود .

كل شيء كان جميل وفاق توقعاتي الموقع والاطلالة والنظافة والمطعم الكبير الفاخر.. وكذلك سبا ومساج كبيرا جدا تضيع فيه ماشاء الله.. اما السعر فكان رخيص بشكل كبير خاصة اخذنا غرفة شخصين مع الافطار والعشاء.. ومواقف مجانية

كل شي. النظافه. والديكور.الإفطار.والعاملين كلهم بشوشين وخلوقين. لي عوده مرة اخرى

الفندق نظيف سكنت فيه لمده ليله يتوفر موقف اسفل الفندق برسوم بسيطه

قرية هاديه جميله واقامة جميله اكرر المكان

الموظفين ساعدونا واعطونا الاماكن السياحيه القريبه

موقع الفندق رائع جداً، المرافق جميلة ونظيفة ، الأثاث حديث ونظيف المطعم كبير و فيه جلسات كثيرة ومريحة ، توجد غرفة ألعاب للأطفال

رائع فعلاً الموقع والاطلالة طاقم العمل جداً لطيفين

كل شي جميل، العائلة لطيفه وودودة جداً ، الغرفة نظيفة وراقية وجميلة، إطلالة الغرفة جميلة جداً والمواقف مجانية.

في البداية اشكر السيدة مارغريت على حسن الاستقبال وصلنا المكان وكان عبارة عن فندقين الاول وهو الي فيه مكتب الاستقبال اسمه لاند هاوس كاثرين والثاني Söllbachgasse 2 الي سكنا فيه وهو عبارة ثلاث طوابق وهي شقق مجهزة بكامل ادوات واجهزة المطبخ ودورة مياة واحدة وغرفتين مع صالة بطاولة طعام - حجزنا كان شقه بغرفة نوم واحدة اعطتنا غرفتين كل غرفة بثلاث اسرة وهي واسعه ولها اطلاله جميله - الشقه من انظف واوسع الشقق الي مريت عليها في اوربا - وجود مصعد يخدم جدا - وجود غرفة غسيل في الدور السفلي بمبلغ 4 يورو للغسيل والتجفيف ساعدتنا السيدة مارغريت في استخدام الغسالة وتكرمت بغسلها دون ان تحاسبنا - يوجد حديقة مع العاب اطفال بسيطة بين الفندقين - خيار السكن مناسب جدا للاطفال والعائلات التي تحب تسخدم مطبخ متكامل ويوجد غسالة صحون وبعض البهارات والقهوة والشاي والسكر والزيت - المضيفة متواصله ومتجاوبة في كل خدمة نحتاجها - تحب الاطفال كثير ولما وصلنا قدمت لاطفالي كيس كبير فيه العاب وتركيبات - البلكونه شرحه وفيها جلسه وتكرمون صناديق الزباله وهي مقسمه كالمعتاد عندهم - السكن في الزون الاول من مدينة فوغن خيار ممتاز وقريب من كل شي - اكيد راح ارجع اسكن في نفس المكان باذن الله - المكان امن بعد الله الباب الخارجي مايفتح الا بمفتاح الشقه - اعجبني واحنا طالعين دخل فريق التنظيف وغيرو المفارش والمخاد كنت مبسوطه على نظفة المكان وزدت انبساط

الفندق عبارة عن سكن مع عائلة يأجرون بعض الغرف وللأمانه كل شي كان ممتاز الفطور والغرفة وسيعه وكانت تطل على الجبل منظر بديع وموقعها ممتاز

الراحه ووسع المكان ونظافته واناقته وجودة الادوات والبلكونه والاطلاله بانوراميه خياليه والهدوء كل شي ممتاز

كل شي جميل وشكرا علي حسن التعامل مشعل العازمي تجارب سياحية

إقامة جميلة جداً بكل معنى الكلمة 🌟 الفندق نظيف، راقٍ، ومرتب بشكل يشرح النفس، والإطلالة خرافية وسط الطبيعة والجبال 😍 الهدوء والراحة بالمكان شيء فعلاً يميزهم، وتعامل الموظفين كان جداً محترم وبشوش ومتعاون من وقت الدخول إلى الخروج. الشقة واسعة ومريحة وكل التفاصيل كانت مرتبة بعناية، وتحس فعلاً إنهم مهتمين براحة الضيف. من أجمل الأماكن اللي سكنت فيها في النمسا، وأنصح فيه بقوة لكل شخص يبي الراحة والاستجمام