منتجعات تزلج في لوتربرونن

الفندق مكانه ولااااا ارووووع.. وسط القرية مواجه للشلال والمنظر الخلاب... كانا في غرفه رقم 22 وفيها أطلال في البلكونه (البلكونه مشتركة... بمعنى انك تطلع للبلكونه تشوف الغرف اللي جنبك جالسين برا برضو ويشوفونك) ايضا كان في نافذ للجهه الثانية ( الغرفة زاوية يعني). الغرفة واسعه.. لاثنين.. الحمام ممتاز.. حاطين لك مروحة لوقت الحر... (طبعا مافي مكيف.. فالليل الغرفة تصير ثلج). في غرفة الاستقبال حاطين فيها ماء للشرب وشاهي وكافي تقدر تاخذ اي وقت. الفطور كان جميل ولطيف

الاطلاله حلوه حيل وموقعه قريب من سوبرماركت ومخبز وقريب حيل من القطار صعدنا فيه الى قمة يونغفراو

الموقع نظافة الغرف الاثاث كان مميز الشرفة والفيو

الموقع قمة الروعه

موقع الشقه مميز وجميل جدا

كل شي جميل المكان والنظافة والراحة الشقة مجهزه من كل شي ستجدون اشياء فوق المتوقع يوجد نتفلكس ويوتيوب انصح بها بشده لعائلة صغيره او زوجين من اجمل الاماكن الذي سكنتها فترة شهر العسل

اولا نظام دخول الشقه غير مش نفس اللي متعودين عليها في دولنا العربيه انه يكون في استقبال وجي دخول الشقه تكون ذاتيه يعني الموظف يطرش لك كل التفاصيل في الواتس اب وتمشي عليه والدخول جدا سلس. والصراحه موقع الشقه جداا جداا ممتاز وقريبه من جربندلفالد وانترلاكن. الشقة اللي خذناها تتكون من ثلاث غرف نوم، اول غرفه فيها سرير واحد كبير والغرفة الثانيه اثنين سرير فردي والغرفه الثالثه اثنين سرير فردي ، وصاله ومطبخ وطاولة طعام وعزكم الله حمام واحد فقط مع شاور بس بدون شطاف وبلكونه مطلة على الشلال. حجم الغرف لاباس بها مب وايد كبيره. بالنسبه للحمام عزكم الله كانوا حاطين تقريبا كذا رول كلينكس وما يكفي ف لازم تاخذون احتياطاتكم وتجيبون وياكم كلينكسات زيادة لانه المالك مش موفر بكمية ، وفي صابون جسم وشعر وصح جيبوا معاكم اكياس زباله عزكم الله. حتى للغرف لا يوجد كلينكس. على ما اعتقد الشقه كانت بدون مكيفات بس للامانه وقتها ما احتجنا مكيف لانه سكنا في الشقه نهايه شهر تسعه من تاريخ26-28 وكان الجو براااد وقتها. وطبعا الشقه مافيها مصعد ف لازم تحمل الاغراض لين شقتك. بالنسبه للمطبخ الصراحه ما كان فيها وايد اشياء نفس الة التوستر وماي مش متوفر، بس حاطين صحون وملاعق واكواب واشياء للطبخ للامانه ما شيكت وايد لانه ما طبخنا شي كنا بس نسوي شاي وقهوه وستاره المطبخ شفافه يبين من برع . يالنسبه للبلكونه فيها حاجز بين الشقتين ف اللي يقعد برع في البلكونه يقدر يسمع سوالفكم وتقدرون تسمعون سوالفهم بس على وقتنا كانوا اجانب😂. وصاحب الشقه يوفر بطاقه خصم حق منطقه لوتربرونن فقط ما تقدر تستخدمها في مناطق ثانيه. يعني بختصار انصح الواحد يسكن في هاي الشقه وان شاء الله اذا رجعت مره ثانيه بسكن في نفس الشقه نظيفه وسعرها وايد مناسب والاطلالة ولا اروعهه غيوم تغطي الجبال وشلال واصوات اجراس البقر. شقتنا كانت في الطابق الاول هم ثلاث طوابق وكل طابق شقتين. المالك يوفر انترنت مجانا وباركن للسيارة مجانا. المنطقه امان. والكهرباء كلها ابو اثنين مب ثلاث . وبحط صور للشقه من داخل وبرع الشقه طبعا الصور كلها من تصويري. وشكرا

مساحة غرفة المعيشة جيدة. وموقع الشالية جميل، مواقف السيارات مناسب